پێدانى ڕەزامەندى سەرەتایی بۆ دروستکردنى پڕۆژەکانى سامانى ماسی پێدانى ڕەزامەندى سەرەتایی بۆ دروستکردنى پڕۆژەکانى سامانى ماسی دواى دڵنیابوون لە هەبوونى مەرجەکانى دروستکردنى پڕۆژەکە بە پێى ڕێنمایی ژمارە (٩)ى ساڵى ٢٠٢١ وەزارەتى کشتوکاڵ پێویستە هەموو پڕۆژەیەک ڕەزامەندى سەرەتایی دروستکردنى وەربگرێت پێش دروستکردنى.
پێدانی مۆڵەتى بیرى قووڵ بریتییە لە پێدانى مۆڵەتى بیری قووڵ بۆ زەوى کشتوکاڵ و پیشەسازى و خواردنەوە بۆ گشت هاوڵاتیان لە گشت پارێزگا و ئیدارە سەربەخۆییەکان، بەمەبەستى هەڵکەندنى بیرى قووڵ.
دابەشکردنى پەنجەماسی بەسەر پڕۆژەکانى کەرتى تایبەت بریتییە لەپێدانی پەنجەماسی ئامادەکراو لەپڕۆژەکانی پەنجەماسی لەکەرتی گشتی, بەپڕۆژەکانی بەخێوکردنی ماسی لەکەرتی تایبەت بەنرخێکی پاڵپشتکراو. رێژەیەکیش دیاری دەکرێت بۆ خستنەناو ئاوی بەنداوەکان و کۆگا ئاوییەکان، بە مەبەستی پاراستنی ژێرخانی ماسی لەبەنداوەکان.
خزمەتگوزارى دروستکردنى پڕۆژەى ئاودێرى بریتییە لە دروستکردنى جۆگەى کۆنکرێتى و دانان و گواستنەوەى ئاو بە شێوەى پمپ بۆ پڕۆژەکانى کشتوکاڵى وە بەراوکردنى ڕووبەرى زەوى وە سوود وەرگرتن لە ئاوى سەر زەوى و کەمکردنەوەى بەکارهێنانى ئاوى ژێر زەوى، پاککردنەوە و نۆژەنکردنەوەی ئەو پڕۆژە ئاودێرییانەى کە بە هۆى قوڕ و لیتەوە پیسبوون.
دروستکردنى پۆند بۆ کۆکردنەوەى ئاو بۆ ناوچە جیاجیاکان بۆ دابینکردن و کۆنترۆڵکردنی ئاو بریتییە لە بەنداوێکى بچووک کە بۆ مەبەستى کۆکردنەوەى سەرچاوەکانى ئاو و باران بۆ بووژانەوەى ئاوى ژێر زەوى و بەراوکردنى زەوییە کشتوکاڵییەکان وە کۆنترۆڵ و کەمکردنەوەى مەترسى لافاو.
توێژینەوە و جێ بە جێ کردنى بەنداو بەنداو بۆ بەرزکردنەوەى ئاستى ئاوى ژێر زەوى، بە ئاودێرى کردن و ئاژەڵدارى و سامانى ماسى، و دابین کردنى ئاوى خواردنەوە بۆ هاوڵاتیان وپاراستنى زەوى کشتوکاڵییەکان لە مەترسى لافاو و ڕاماڵین، بە مەبەستى دروست بوونى شوێنى گەشت و گوزار، و هەندێ بەنداویش بە مەبەستى بەرهەم هێنانى ووزەى کارەبا جێ بە جێ دەکرێن.
تاقیگەى شیکردنەوەى خاک و ئاو و پەین و ڕووەک بریتییە لە شیکردنەوەى خاک لەرووى فیزیاوى و کیمیاوى، و شیکردنەوەى ئاو و دیارکردنى ترشى و تفتی وڕێژەى توخمە قورسەکان و ژەهراوییەکان، هەروەها شیکردنەوەى پەینى کیمیاوى ئۆرگانى ودیارکردنى ڕیژەى تەخمە خۆراکیەکان هەروەها شیکردنەوەى ڕووەک و دیارکردنى ڕێژەى توخمە خۆراکیەکان و ڕێژەى زەیت.
مۆڵەتی دامەزراندنی هەنگەڵان ئەم خزمەتگوزارییە بریتییە لە پێدانی مۆڵەتی دروستکردنی هەنگەڵان بەو کەسانەی هەنگەوانن، لەپێناو بەرەو پێشبردنی ئەم بوارە و دواجار زیادکردنی بەرهەمەکانی مێش هەنگوین و دۆزینەوەی هەلی کار.
هاوردەکردنی قرکەر و پێداویستی تر ئەم خزمەتە بریتییە لە هاوردەکردنی قڕکەری کشتوکاڵیی و پێداویستی تر لە پاراستنی ڕووەک لە دەرەوەی وڵات، بە مەبەستی پڕکردنەوەی پێداویستی ناوخۆ.
