وەزارەتی خوێندنی باڵا و توێژینەوەی زانستی

پێدانى کۆپى نوێى بڕیارى یەکسانکردنى بڕوانامە بەو هاوڵاتییانەى کە پێشتر یەکسانکردنیانی بڕوانامەیان بۆ ئەنجامدراوەو پێویستیان بە کۆپى زیاترى بڕیارى یەکسانکردنە.

گۆڕینى بڕیارى یەکسانکردنی بڕوانامەی بیانییە بۆ سەر زمانی عەرەبی، کە پێشتر بڕیاری یەکسانکردنی بە زمانی کوردی بۆ دەرکراوە.

بەڵێننامەیەکە کە کەسێک بەهۆیەوە بەئەنجامدانی کارێک یان ئەنجام نەدانی کارێک یان رەفتارێک پابەند دەکات و بەرپرسی دەکات لە ناوەرۆکەکەى بەمەرجێک لە چوارچیوەى یاسا و داب و نەریتی گشتی دەرنەچێت.

خۆتەرخانکردنی زانستی بریتییە لە وەرگرتنی مۆڵەتی خۆتەرخانکردنى زانستى بەمەبەستی بەرزکردنەوە و فراوانکردنی توانای زانستی و ئەکادیمی تایبەت بە بواری خوێندنی باڵا و خزمەتی زانکۆیی لە چوارچێوەی پۆست دکتۆرا (Post- Doctorate) و ساباتیکەڵ لیڤ (Sabbatical Leave)، بە بەپێی ئەو مەرج و پێداویستییانەی لە رێنمایی هاتووە.

ناردنى ئارەزمەندان کە تەنها فەرمانبەرانى سەر بە وەزارەتى خوێندنى باڵا و توێژینەوەى زانستین (دیوانى وەزارەت و زانکۆکانى حکومى) بە مەبەستى خوێندنى باڵا ماستەر / دکتۆرا لە چوارچیوەى پلانى پەسەندکراوى زانکۆکان .

ئەم بەشە تایبەتە بە بەدواداچوون و کارئاسانکردنی کارەکانی کاندیدانی بەرنامەی (HCED)زەمالەی لێژنەی باڵای پەروەردە و فێرکردن حکومەتی عێراق.

ڕاستاندنی (صحة الصدور) بڕوانامەى دەرچووانى زانکۆ و پەیمانگا حكومییه‌كان بۆ خاوەن بڕوانامەی دكتۆرا و ماسته‌ر و دبلۆمی باڵا و به‌كالۆریۆس و دبلۆم، کە لەلایەن دەزگا و فەرمانگەیەکی حکومی یان کەرتی تایبەت داوا بکرێت، بۆ دڵنیابوونەوە لە ڕاست و دروستی بڕوانامەی فەرمانبەرەکانیان.

ئەم خزمەتە بریتییە لە لابردنی نیشانەى گلدانەوە لەسەر مولک یاخود ناسنامەى ژووری بازرگانی یاخود هەلوەشاندنەوەى دەستەبەری کەسی کە بۆ بەرژەوەندی وەزارەتی خوێندنی باڵا و توێژینەوەی زانستی دانراوە یاخود ئەنجام دراوە.

بریتییە لە پرۆسەی وەرگرتنی خوازیاران بۆ خوێندنى باڵا (دیپلۆمى باڵا، ماستەر، دکتۆرا) لە زانکۆ حکومییەکانی هەرێمی کوردستان، بەشێوەی سمستەرى زستانە و هاوینە یان ڕاوەند (یەکەم، دووەم).

بە پێى پێویستى دام و دەزگاکانى هەرێمى کوردستان و تواناى زانکۆكانى هەرێمى کوردستان ساڵانە چەند خولێکى زمانى ئینگلیزى بە شێوەى وەزارى لە سەنتەرى زمانى زانکۆ حکومییەکان دەکرێتەوە، سەرجەم خوازیاران ئەوانەى مەرجەکانى پێشکەشکردنیان تێدایە دەتوانن داواکارى پێشکەش بکەن لە ڕێگەى سیستەمى وەزارەتى خوێندنى باڵا و توێژینەوەى زانستى، بە مەبەستى بە دەستهێنانى بڕوانامەى توانستى زمانى ئینگلیزى کە مەرجە بۆ وەرگرتنى بڕوانامەى ماستەر و دکتۆرا و وەرگرتنى نازناوى زانستى.