وەزارەتی خوێندنی باڵا و توێژینەوەی زانستی

لە بەڕێوەبەرایەتی کاروباری یاسایی/ دیوانی وەزارەت بەڵێننامەیەک لەخاوەنى کۆمپانیا یاخود بریکارەکەى وەردەگرێن کە بە هیچ شێوەیەک کاری ئەکادیمی و تویژینەوەى زانستی و تویژینەوەى تایبەت بە خویندنی باڵا و بەکالۆیۆس و دبلۆمی باڵاو ماستەر و دکتۆرا نەکات، هەروەها بڕوانامەى زانستی و ئەکادیمی نەدات بە بەشداربووان و تەنها لە بواری ڕیگەپێدراوی خۆی کار بکات

وەڵامدانەوەى ئەو نووسراوانەى کە لەلایەن زانکۆکان و وەزارتەکان و دام و دەزگاکانى حکومەتى هەرێمەوە ئاڕاستەى فەرمانگەى توێژینەوە و پەرەپێدان دەکرێت سەبارەت بە بابەتى نازناوى زانستى و بەرزکردنەوەى پلەى زانستى و گۆڤارى زانستى و کۆنفرانسى زانستى و سەنتەرەکانى توێژینەوە و زمانى ئینگلیزى و هەر بابەتێکى ترى تایبەت بە کاروبارى زانستى.

بریتییە لە لادانیی دەستەبەی (دارایی و کەسی) کە کاندید لە ماوەی خویندنەکەیدا وەك هێمای
گلدانەوە دایناوە لە بەرژەوەندی حکومەت، ئەم پرۆسەیە بۆ گشت کاندیدانی سەرکەوتوو دوای پێنج(٥) ساڵ لە خزمەتکردن ئەنجامدەدرێت دەکرێت.

پەسەندکردنی نووسراوی پشتگیریی بەردەوامی لە خوێندن یان دابڕان لە خوێندن بۆ خوێندكارانی زانکۆ و پەیمانگا حكومییه‌كان، بۆ ئەو خوێندكارانەی دەیانەوێت بە نووسراوی فەرمی بیسەلمێنن کە لە خوێندن بەردەوامن یان دابڕاون پێش ئەوەی بڕوانامە وەربگرن

بڵاوكردنەوەی توێژینەوەی ئەكادیمی بە زمانی (ئینگلیزی) كە پەیوەندی بە زانستە په‌تی و پراكتیكییه‌كانه‌وه‌ هەبێت، توێژینەوەی ئەكادیمی پەیوەندی بە زانستە مرۆڤایەتییەكانەوە هەبێت بە زمانەکانی (كوردی و عەرەبی و ئینگلیزی) ئەو خزمەتگوزارییە كراوەیە لۆكاڵی و نێودەوڵەتییە، پێشكەش بە هەموو مامۆستایەكی ئەكادیمی دەكرێت.

بریتییە لە خەرجکردنی شایستە دارایی ئەو دەرچووانەی بەرنامەی تواناسازی کە دوای تەواوکردنی خوێندنەکەیان بە سەرکەوتووی لە پاکتاوی داراییدا حکومەت قەرزاریان بووەتەوە.

پیشکەشکردنی هاوکارییە بە قوتابی و خوێندکاران و دەرچووانی ساڵانی پێشوو لە پلاندانان بۆ ڕێڕەوی پیشەیی و دۆزینەوەی ئاسۆی پیشەیی باشتر، لەکاتی خوێندنی زانکۆ و دوای تەواوکردنی خوێندن.
چالاكییەكانی بریتییە لە مەشقکردن، ڕاهێنان، وۆرکشۆپ، سیمینار، خزمەتگوزاری ڕاوێژکاری پیشەیی، دروستكردن و چۆنیەتی ئامادەكردنی سیڤی CV، پێشکەشکردنی هاوکاری و ئامۆژگاری لەپێناو بەرزكردنەوەی توانستی قوتابی و دەرچووان، رێكخستنی پێشانگەی كار بۆ دروستی كردنی تۆڕی پەیوەندی قوتابییان و دەرچوانی پێشوو و خاوەنكاران، بە مەبەستی دۆزینەوەی هەلی کار.

پرۆسەی خوێندنى دکتۆرایە بەشێوازى (سپلیت سایت) بۆ هەڵگرانى بڕوانامەی ماستەر، ساڵانە یان چەند ساڵ جارێک لە لایەن وەزارەتی خوێندنی باڵا و توێژینەوەی زانستی ڕادەگەنرێت، بەمەبەستی بەرزکردنەوە و فراوانکردنی توانای زانستی و ئەکادیمی تایبەت بە بواری خوێندنی باڵا.