وەزارەتی ناوخۆ

پشتگیریکردنی ماوەی ئاوارەیی گەڕاوەکانە بۆ دامودەزگاکانی پەیوەندیداری وەکو (ڕەگەزنامە، نشینگە، پسوولەی خۆراک و هەژمارکردنی خزمەتی ئاوارەیی).

پێدان و نوێکردنەوەی کارتی نشینگەیە بۆ ئەو کەسە بیانیانەی لە ڕێکخراوە ناوخۆیی و نێودەوڵەتییەکان کار دەکەن، ئەم کارتە بۆ ماوەی شەش مانگ یان ساڵێکە و دوای ئەو ماوەیە نوێ دەکرێتەوە.

پێدانی مۆڵەتی کارکردنە بە سەرتاشخانەکان بۆ ئەوەی بەشێوەیەکی یاسای کار بکەن، ئەم مۆڵەتە بۆ ساڵێکە و دوای ئەو ماوەیە نوێدەکرێتەوە.

هەر نووسینگەیەکی فێرکردنی شۆفێری مۆڵەتەکەی دوای ساڵێک بەسەردەچێت. پێویستە نووسینگەکان ساڵانە مۆڵەتەکەیان نوێبکەنەوە تاوەکو بتوانن بە شێوەیەکی یاسایی کاری ڕا‌هێنان و فێرکردنی شۆفێری بە هاوڵاتیان بکەن.

پێدانی کارتی نشینگەیە بەو قوتابی و خوێندکارە بیانییانەی لە ناوەندە جیاجایاکانی خوێندن لە هەرێمی کوردستان دەخوێنن و تەمەنیان هەژدە (١٨) ساڵە یان زیاترە، ئەم کارتە بۆ ماوەی شەش مانگ یان ساڵێکە و دوای ئەو ماوەیە نوێ دەکرێتەوە.

دەرهێنان یاخود نوێکردنەوەی مۆڵەتی بازرگانیکردن بە ئۆتۆمبێل و ئامێرەکانی کشتوکاڵی و بیناسازی بۆ کۆمپانیاکانی هاوردەکردنی ئۆتۆمبێل لە هەرێمی کوردستان.

هەر ئۆتۆمبێلێکی بارهەڵگری گەورە مافی گۆڕینی عارەبانەکەی هەیە لە فلاتەوە بۆ تانکی، یان لە فلاتەوە بۆ قەلاب یاخود هەر جۆرە عارەبانەیەکی تر بۆ بەکارهێنانی، بە مەبەستی کارکردن.

پێدان و نوێکردنەوەی کارتی نشینگەیە بۆ ئەو کەسە بیانییانەی لە کونسولخانەکان و نوێنەرایەتییەکانی وڵاتان کار دەکەن لە هەرێمی کوردستان، ئەم کارتە بۆ ماوەی شەش مانگ یان ساڵێکە و دوای ئەو ماوەیە نوێ دەکرێتەوە.

هه‌ڵوه‌شانه‌وه‌ و کەپسکردنی ئەو ئۆتۆمبێلانەی بە ڕووداوی هاتووچۆ، یاخود هەر هۆکارێکی تر، کە مەرجەکانی توندوتۆڵی و سەلامەتییان لە دەستداوە و ناشێن بۆ لێخوڕین، لە لایەن لیژنەی تایبەتمەندەوە هەڵدەوەشێنرێنەوە.

پێدانی مۆڵەتی کارە بە کۆمپانیای پاسەوانی تایبەت، بە مەبەستی پاسەوانیکردن لە دامەزراوە تایبەتەکان.