گواستنەوەی پسوولەی خۆراکی هاوڵاتیان لە بریکارێک بۆ بریکارێکی تر بریتییە لە گواستنەوەی پسوولەی خۆراکی هاوڵاتی لە لای بریکارێکەوە بۆ لای بریکارێکی تر بە ڕەزامەندی هاوڵاتییەکە.
گۆڕینی ناوی سەرۆک خێزان لە پسوولەی خۆراک بریتییە لە گۆڕینی ناوی سەرۆک خێزان بۆ کەسێکی تری ئەندامی هەمان خێزان، لە کاتێکدا سەرۆک خێزان کۆچی دوایی (وەفاتی) کردبێت یاخود گەشتی دەرەوەی وڵاتی کردبێت.
گواستنەوەی پسوولەی خۆراک لە شارێک بۆ شارێکی تر بریتییە لە گواستنەوەی پسوولەی خۆراکی هاوڵاتیان لە نێوان پارێزگاکان یاخود شارەکان. بەپێی خواستی خزمەتخواز بە دەستدەهێنرێت.
گواستنەوەی خاوەنداریەتی بریکاری ئارد یان خۆراک گواستنەوەی خاوەنداریەتی بریکاری ئارد یان خۆراک لە کەسێکەوە بۆ کەسێکی تر بە ڕەزامەندی هەردوو لایەن، یان لە کاتی کۆچی دوایی (وەفاتی) کەسی بریکار بۆ هاوسەرەکەی، بۆ یەکێک لە منداڵەکانی یاخود هەر کەسێکی تر بە ڕەزامەندی هەموو میراتگرەکانی.
هەڵوەشاندنەوەی بریکاری ئارد و خۆراک هەڵوەشاندنەوەی بریکارە بە ڕەزامەندی خۆی یاخود بەهۆی کۆچی دوایییەوە، بە ڕەزامەندی هەموو میراتگرەکانی بریکارییەکەی هەڵدەوەشێنرێتەوە.
نوێکردنەوەی ناسنامەی ساڵانەی بریکاری ئارد و خۆراک نوێکردنەوەی ساڵانەی ناسنامەی بریکاری هەر بریکارێکە لە بەڕێوەبەرایەتی تایبەتمەندی خۆی. بریکاری ئارد لە بەڕێوەبەرایەتیی دروستکردنی دانەوێڵە. بریکاری خۆراک لە بەڕێوەبەرایەتیی بازرگانیی کەلوپەلی خۆراک.
پێدانی مۆڵه‌تی هاوردن پێدانی مۆڵه‌تە بۆ هاورده‌کردنی گشت که‌لوپه‌لێک له ده‌روازه سنوورییه‌کانی هه‌رێمی کوردستان.
وه‌رگرتنی به‌رهه‌می گەنمی جوتیاران (تسویق) پێدانی پارەی گەنم بریتییه له وه‌رگرتنی به‌رهه‌می گەنمی جوتیاران، بۆ مه‌به‌ستی پاڵپشتیکردنی جوتیاران. ئه‌و بڕە پاره‌یه‌ی بۆ جوتیاران خه‌رجده‌کرێت له نه‌فه‌قه‌ی حاکمەی عێراق ده‌رده‌چێت، کە تیایدا به‌شی هه‌رێمی کوردستان دیاریکراوه. شێوازی وه‌رگرتن به‌پێی پلانی ساڵانه‌ی کۆمپانیای گشتیی بازرگانیی دانه‌وێله‌ی به‌غداد دیاریدەکرێت.
دابه‌شکردنی گه‌نم به‌سه‌ر ئاشه هونه‌رییه‌کان به‌پێی بڕیاری (٩٨٦)ی نه‌ته‌وه یه‌کگرتووه‌کان؛ نه‌وت به‌رامبه‌ر خۆراک، ئارد دابه‌شده‌کرێت به‌سه‌ر هاوڵاتیان. بۆ هه‌ر هاوڵاتیه‌ک مانگانە (١١،٤٧٥) یازدە کیلۆ و چوار سه‌د و حه‌فتا و پێنج گرام گه‌نم بۆ سایلۆکان دابینده‌کرێت. به‌پێی پلانی کۆمپانیای بازرگانیی دانه‌وێڵه‌ی به‌غداد، گه‌نم دابه‌شده‌کات به‌سه‌ر ئاشه هونه‌رییه‌کان، ئەو ئاشانەی بۆ پسووله‌ی خۆراک کارده‌که‌ن.
دروستکردنی پسووله‌ی خۆراک بریتییه له تۆمارکردنی ناوی هاوڵاتیان له پسووله‌ی خۆراک. وه‌ک (له‌دایکبوون، هاوسه‌رگیری، گه‌ڕانه‌وه له ده‌ره‌وه‌ی وڵات)، له‌گه‌ڵ سڕینه‌وه‌ی ناوی مردووان و گواستنه‌وه‌ی پسووله‌ی خۆراک له نێوان شاره‌کان و بریکاره‌کانی خۆراک.
