بەڕێوەبەرایەتی تاقیگەی بیناسازی

هێزی بەرگری بەرامبەر پاڵەپەستۆ بە دوو شێوازی تەڕ هەروەها وشک، هێزی بەرگری بەرامبەر شکان بە هەمان دوو شێواز، ڕێژەی هەڵمژینی ئاو هەروەها چڕی تایبەت، کۆمەڵێک تایبەتمەندی گرینگن کە لە ڕێگەی پشکنینەکانی تاقیگەیی دەتوانین بە دەستیان بێنین بۆ نموونەکانی بەردی بیناو لە ڕێگەیان جۆری بەردەکە دەستنیشان بکەین هەروەها ڕێژە بەدەست هاتووەکان بەراود بکەین لەگەڵ ڕێژە ڕێگە پێدراوەکانی ستاندارد و شیاوبوون یاخود شیاونەبوونی نموونەکە دیاری بکەین.

قیری شلی مۆدیفاید کراو بە پۆلیمەر وەکو تەکنەلۆجیایەکی پێشکەوتوو ئەژمار دەکرێت لە بواری ئەسفەلت و ڕێگاوبان، کە لە ڕێگەی چەندین ئامێری گرانبەها و پێشکەوتوو کۆمەڵێک پشکنینی دیاری کراو و تایبەتی لەسەر ئەنجام دەدرێت (وەکوViscosity (Rotational) ، Dynamic Shear Rheometer (DSR) For original bitumen , after (RTFO) and after (PAV)، Bending Beam Rheometer (BBR)، Effect of Heat and Air on a Moving Film of Asphalt Rolling Thin-Film Oven Test، Elastic Recovery of Asphalt Materials By Ductilometer)، وە دەرئەنجامەکان بەراورد دەکرێن بە ڕێژەکانی هاتوو لە ڕەوشە بەرکارەکان.

پشکنینی ثرمستۆن ڕۆڵێکی گرینگی هەیە لە بیناسازیدا ئەگەر بێت و بەکار بهێنرێت و هۆکارێکە بۆ پاراستنی وزەی گەرمکەروە و ساردکەرەوە لە بیناکان و وەکو کەرەستەیەکی عازل بەکار دەهێنرێت، بەڵام پێویستە پێش بەکارهێنان بەشێک لە تایبەتمەندییەکانی لە ڕێگەی پشکنینەکانی تاقیگەیی پێداچوونەوەی پێدا بکرێت وەکو پشکنینی بەرگری بەرامبەر هێزی پاڵەپەستۆ، هەڵمژینی ئاو بە دوو شێوازی Totalو Cappilarry هەروەها پشکنینی بچووکبوونەوە، کە سەرجەم ئەو پشکنینانە لە تاقیگەکانی بیناسازی ناوەندی ئەنجام دەدرێن.

Stone matrix Asphalt)) چینێکى ئەسفەلتە کە بە جۆرێک هاوکێشەى تێکەڵەکەى دیزاین دەکرێت کە بەرگەى قورسایى زۆرى هاتووچۆى ڕێگا بگرێت، کە پێکهاتووە لە ڕێژەێکى زۆرى چەگڵى درشت کە تێکەڵە لەگەڵ قیڕى شل و فیلەر و ئەلیاف، ئەم چینە بەوە دەناسرێت کە بەرگرى زۆرى هەیە بۆ لۆدى زۆر لەسەرى و هاتووچۆى قەڵاب بە بارەوە کە یارمەتى ڕێگاکە دەدات کە پارێزراو بێت لە دروست بوونى رەوەتان و داکەوتنى ڕێگاکە و وا دەکات تەمەنى ڕێگاکە درێژبێت لەوەى بۆى دیزاین کراوە، دیزاینى هاوکێشەى ئەم جۆرە تێکەڵەیە (SAM) بە پێى ( Super pave gratory) دەبێت بە پشت بەستن بە تێکەڵەکە و هەبوونى بۆشایى هەوایى VA و بۆشایى نێوان چەگڵەکان VMA وە ڕێژەى بەرکەوتەى بەردەکان لە نێوان خۆیاندا (Presence of stone-on-stone content)