پێدانی مۆڵه‌تی دڵنیایی

پێدانی مۆڵه‌تی كاركردن بۆ ئه‌و كۆمپانیایانه‌ی ده‌یانه‌وێت له‌ بواری دڵنیایی كاربكه‌ن له‌ بواره‌كانی دڵنیایی (دڵنیایی گشتی، بریكاره‌كانی دڵنیایی، نێوه‌ندگیرانی دڵنیایی، شاره‌زایانی دڵنیایی، كۆمپانیاكانی پێشكه‌شكاری خزمه‌تگوزاری دڵنیایی) دڵنیایی له‌سه‌ر موڵک و ماڵی هاوڵاتییان و له‌سه‌ر باڵاخانه‌كان و بیمه‌ی ته‌ندروستی و دڵنیایی ئیلزامیی ئۆتۆمبێل.

لایەنی بەرپرس

وەزارەتی دارایی و ئابووری

زانیاریی لایەنی بەرپرس

ناونیشانی بەڕێوەبەرایەتی گشتی كاروباری دڵنیایی

ماڵپەڕ

ماڵپەڕی فەرمیی وەزارەتی دارایی و ئابووری

کاتی کارکردن

(٨:٣٠) بەیانی بۆ (٢:٠٠) دوا نیوەڕۆ.

ناونیشانەکان

بەڕێوەبەرایەتی گشتی كاروباری دڵنیایی

هه‌ولێر/گه‌ره‌كی زانیاری-نهۆمی دووه‌می باڵه‌خانه‌ی بانکی دێده‌وان
ئیمەیل bgc.insurance@yahoo.com

مەرجەکان

كۆمپانیا تۆماركرابێت له‌ ب.گشتی تۆماری كۆمپانیاكان وه‌ چاڵاكیه‌كه‌ی دیاری كرابێت كه‌ (دڵنیاییه‌).

تۆمارکردنی کۆمپانیای نیشتمانی

تۆمارکردنی لقی کۆمپانیای بیانی

سه‌رمایه‌ی كۆمپانیا له‌ (15000.000.000) پازده‌ ملیار دیناری عێراقی كه‌متر نه‌بێت.

(CV) به‌ڕێوه‌به‌ری كۆمپانیا، پێویسته‌ شاره‌زایی ته‌واوی هه‌بێت له‌بواری دڵنیایی.

ناوی سه‌رۆكی ئه‌نجومه‌نی كارگێڕی و ئه‌ندامانی كارگێڕی كۆمپانیا.

(ودیعة الضمان) له‌یه‌كێك له‌ بانكه‌كانی مۆڵه‌تدراو دابنرێت به‌ بڕی (30%)ی سه‌رمایه‌ی كۆمپانیا كه‌ به‌هیچ شێویه‌ك ده‌ستكاری ناكرێت ته‌نها به‌ بڕیاری وه‌زاره‌تی دارایی و ئابووری و بڕیاری دادگا نه‌بێت.

(دراسة‌ جدوی اقتصادیة) / خشته‌ی توێژینه‌وه‌ی ئابووری

پێوستە كارمه‌ندانی كۆمپانیا له‌لایه‌ن ب.ده‌سته‌به‌ری كۆمه‌ڵایه‌تی ده‌سته‌به‌ری کرابن.

ناسنامە و بەڵگەنامەکان

تأیید ودیعة ضمان (تۆماری كۆمپانیاكان).

بەڵێننامە.

گرێبه‌ستی دامه‌زراندنی کۆمپانیا.

په‌یكه‌ری ڕێكخستن.

پلانی كار.

پێشكه‌شكردنی توێژینه‌وه‌ی كه‌لكی ئابووری.

وه‌رگرتنی (C.V) به‌ڕێوه‌به‌ری كۆمپانیا.

سه‌رۆک و ئه‌ندامانی ئه‌نجومه‌نی كارگێڕی.

پشتگیری ده‌سته‌به‌ری كۆمه‌ڵایه‌تی كارمه‌ندانی كۆمپانیا له‌لایه‌ن ب.ده‌سته‌به‌ری كۆمه‌ڵایه‌تی

ماوەی پێویست

یەک (١) مانگ بۆ سێ (٣) مانگ.

تێچوو

بڕی (250.000) دووسه‌دو په‌نجا هه‌زار دینار ره‌سم وه‌رده‌گیرێت بۆ داواكاری مۆڵه‌ت، به‌پێی ڕینمایی ژماره‌ (1)ی ساڵی 2008
(1%)ی سه‌رمایه‌ی كۆمپانیا وه‌رده‌گیرێت بۆ ده‌رچواندنی مۆڵه‌ت، به‌پێی ڕینمایی ژماره‌ (1)ی ساڵی 2008

ڕێکار و هەنگاوەکان

خزمەتخواز سەردانی بەڕێوەبەرایەتیی گشتیی تۆماركردنی كۆمپانیاكان دەکات، بە مەبەستی تۆماركردنی كۆمپانیاكه‌.

پێشكه‌شكردنی پلانی كار بۆ بەڕێوەبەرایەتیی گشتیی تۆماركردنی كۆمپانیاكان.

سه‌ردانی بەڕێوەبەرایەتیی گشتیی كۆمپانیاكانی دڵنیایی / بەشی هونه‌ری دەکات، بە مەبەستی به‌دواداچوونی كاره‌كانی له‌ بەڕێوەبەرایەتیی گشتیی تۆماری كۆمپانیاكان و ئه‌نجامدانی كاره‌كان.

سه‌ردانی بەڕێوەبەرایەتیی گشتیی كۆمپانیاكانی دڵنیایی / بەشی هونه‌ری دەکات، بۆ جێبه‌جێكردنی مه‌رجه‌كانی پێویست بۆ كردنه‌وه‌ی (كۆمپانیای نیشتمانی یاخود لقی كۆمپانیا) به‌ پێی یاسا و ڕێنماییه‌كان.

فۆرمی داواکاری

پێویستە فۆرمی داواکاری هاوپێچ بکرێت، ئەگەر هەبێت.

یاسا و رێنمایی