پێدانی پشتگیری بە کچ و کوڕی شەهیدان و زیندانیکراو و گیراوی سیاسی بە مەبەستی خوێندنی (دبلۆمی باڵا، ماستەر، دکتۆرا) لە زانکۆ حکومییەکان پێدانی پشتگیرییە بە کچ و کوڕ و خێزانی شەهیدانی سەنگەر و جینۆسایدکراوان و (زیندانیکراو و گیراوانی سیاسی یان یەکێک لە منداڵەکانیان) بۆ وەزارەتی خوێندنی باڵا و توێژینەوەی زانستی، بە مەبەستی وەرگرتنیان لە خوێندنی (دبلۆمی باڵا، ماستەر، دکتۆرا).
پشکی حەج بۆ کەسوکاری شەهیدانی سەنگەر و جینۆسایدکراوان ساڵانە لە پشکی گشتی حەجی خەڵکی هەرێمی کوردستان وەزارەتی ئەوقاف و کاروباری ئایینی پشکێکی تایبەت بۆ کەسوکاری (کچ، کور، خێزان، دایک، باوک، خوشک و برا) سەربەرزی شەهیدانی سەنگەر و جینۆسایدکراوان تەرخاندەکات بۆ ئەنجامدانی سەفەری فەریزەی حەج.
دەرهێنان و نوێکردنەوەی ناسنامەی شەهیدان و جینۆسادکراوان دروستکردنی ناسنامەی تایبەت بە شەهیدان و جینۆسایدکراوانە بۆ وارسەکانیان، بۆ وەرگرتنی مووچەکانیان و ڕاییکردنی مامەڵەکانیان، هەروەها نوێکردنەوەی ئەو ناسنامانە بە گوێرەی پێویست.
گۆڕینی وارس یاخود دابەشکردنی مووچە لە نێوان وارسی شەهیدان و ئەنفالکراواندا گۆڕینی وارسە لە کاتی کۆچی دوایی وارسی شەهیدان و ئەنفالکراوان، یاخود دابەشکردنی مووچەی شەهیدان و جینۆسایدکراوانە بە یەکسانیی لە نێوان ئەو وارسانەی بەپێی یاسا مافی بوون بە وارسیان هەیە. ئەم خزمەتە لە کاتێکدا پێشکەشدەکرێت کە وارسی شەهید و جینۆسایدکراوان خۆیان داوای بکەن.
دابینکردنی تێچووی خوێندنی زیندانی و ڕاگیراوی سیاسی یاخود یەکێک لە منداڵەکانی دابينكردنى تێچووى خوێندنە بۆ زيندانیکراو و ڕاگيراوى سياسى، يان يه‌كێک له منداڵه‌كانى زيندانييه‌كه، کە لە زانكۆی تایبەتی یان حكومى (به شێوازى پارالێڵ) ده‌خوێنن لە ناو هه‌رێمی کوردستان.
دابینکردنی زەوی نیشتەجێبوون بۆ زیندانیکراو و گیراوی سیاسی دابینکردنی پارچەیەک زەوی بۆ زیندانیکراو و گیراوی سیاسی یان وارسەکانی (هاوسەر، منداڵ، دایک، باوک)، ئەگەر خۆی لە ژیاندا نەمابوو، بە مەبەستی بەکارهێنانی وەک شوێنی نیشتەجێبوون. ئەم زەوییە بێبەرامبەر پێیدەدرێت و ڕێگر نابێت لە وەرگرتنی پارچە زەوی تر لە لایەن زیندانییەکەوە، واتا بە سوودمەند هەژمار ناکرێت.
دابینکردنی زەوی بۆ وارسی شەهید دابینکردنی زەوی نیشتەجێبوون بۆ وارسی شەهیدانی سەنگەر و جینۆسایدکراوان بۆ یەک جار، بە مەبەستی نیشتەجێبوون، ئەم زەوییە نیشتەجێبوونە دیارییە و بێبەرامبەرە.
دابینکردنی تێچووی خوێندنی ساڵانە بۆ کچ و کوڕ و خێزانی شەهیدی سەنگەر و ئەنفالکراوان خەرجکردنەوە و گرتنە ئەستۆی خزمەتگوزاری کرێی خوێندنە بۆ کچ و کوڕ و هاوسەری شەهیدانی سەنگەر و جینۆساید، کە لە باخچەی منداڵان و قوتابخانە و پەیمانگە و زانکۆکانی ناوخۆی هەرێمی کوردستان دەخوێنن.
دابینکردنی دیاری (منحە)ی ھاوسەرگیری بۆ زیندانی و ڕاگیراوی سیاسی هەر زیندانیکراو و گیراوێکی سیاسی کە دۆسیەکەی پشتڕاستکرابێتەوە و تۆمار کرابێت، لە کاتی ئەنجامدانی پرۆسەی هاوسەرگیری دیاری (منحە)یەکی پێدەدرێت کە بڕەکەی تەنیا (٥,٠٠٠,٠٠٠) پێنج ملێون دینارە.
تۆمارکردنی بەرکەوتووانی چەکی کیمیایی و پێدانی دیاری (منحەی) مانگانە بەرکەوتووی چەکی کیمیاوی هەر کەسێکە، کە لە ئەنجامی تاوانی بەکارهێنانی چەکی کیمیاوی لە لایەن ڕژێمە داپڵۆسێنەرە یەک لە دوای یەکەکانی عێراقەوە، لە کوردستان زیانی جەستەییان بەرکەوتبێت و کاریگەرییەکانی بەردەوام بێت.
